Aansoo Bhar Aaye Aankh Mein Har Ikk Hansi Ke Bad

Aansoo Bhar Aaye Aankh Mein Har ek Hansi Ke Bad
Gham Ban Gaya Naseeb Maira Har Khushi Ke Bad

Nikla Tha Kaarwaan Mohabbat Ki Raah Mein
Har Morr Pay Nafrat Kharri Thi Har Gali Ke Bad

Socha Tha Pyar Ka Main Sajaoon Ga Gulsitaan
Har Phool Jal Gaya Maira Ban Kar Kali Ke Bad

Chahat Ki Be-basi Ka Ye Qissa Hai Mukhtasar
Dil Ne Sakoon Na Paaya Kabhi Dil Lagi Ke Bad

Abb Raakh He Samait-ta Hoon Aashiyaney Ki
Khud Hi Jala Diya Tha Jaisey Aajazi Ke Bad

Suntey Hain Baad Marney Ke Milta Hai Sab Sila
Daikhein Gey Kya Miley Ga Humein Zindagi Ke Bad