Agar Tum Gungunao To Humain B Neend Aajaye

Agar Tum Gungunao To Humain B Neend Aajaye
Gazal koi Sunao To Humain B Neend Aajaye,

Suno Yeh Roshni Aankhon Mein Chubhne Si Lagi Hai Ab
Charaghon ko Bujhao To Humain B Neend Aajaye,

Kabhi Fursat Mily To Tum Hamary Sath Kuch Lamhy
Mohabbat k Bitao To Humain B Neend Aajaye,

Sulagti Rat Mein Awaz ka Apni Zara Sa Tum
Agar Jadu Jagao To Humain B Neend Aajaye,

Tum Apne Narm Hathun Se Hamary Sar ko Sehla’o
Mohabbat Se Sulao To Humain B Neend Aajaye,

Hamare Raston Se Khaar Chun Kar Narm Pholun Ka
Agar Bistar Bichao To Humain B Neend Aajaye,

Zara Sa Housla Kar k Nibhao Apne Wadon Ko
Sitary Tor Lao To Humain B Neend Aajaye,

Ajeeb Sa Bojh Hai Dil Par, Agar Yeh Bojh Dil Par Se
Kisi Din Tum Hatao To Humain B Neend Aajaye..