Keh ashq rookna tum say mohaal hona hai
Her aik lab pay hai meri wafa kay afsanay
Teray sitam ko abhi la-zawal hona hai
Baja kay khaar haiN lakin bahaar ki rut maiN
Yay tay hai ab kay humaiN bhi nehal hona hai
Tumhain khaber hi nahiN tum to loot jaoo gay
Tumharay hijr maiN lamha bhi saal hona hai
Hamari rooh pay jab bhi azaab utraiN gay
Tumhari yaad ko is dil ki dhaal hona hai
Kabhi to rooáy ga wo bhi kisi ki banhooN maiN
Kabhi to us ki hansi ko zawaal hona hai
MilaiN gi hum ko bhi apnay naseeb ki khushiyaaN
Bas intezar hai kab yay kamal hona hai
Her aik shakhs chalay ga hamari rahooN per
MohobbatooN maiN humaiN wo misaal hona hai
Zamana jis kay gham-o-paich maiN ulajh jaáy
Hamari zaat ko aisa sawaal hona hai
Wasi yaqeen hai mujh ko wo loot aáy ga
Usay bhi apnay kiyay ka malaal hona hai
No comments:
Post a Comment