Is Marhalay Ko Bhi Maut Kehtay Hen

Is Marhalay Ko Bhi Maut Kehtay Hen, 
Jahan Aik Pal Mein Toot Jaye Umr Bhar Ka Sath..

Ajeeb Si Aadat Or Ghazab Ki Fitrat He Apni

Ajeeb Si Aadat Or Ghazab Ki Fitrat He Apni. 
Mohabbat Ho Ya Nafrat HoBohat Shiddat Se Karte Hain.

Dard Se Hum Ab Khelna Seekh Gaye

Dard Se Hum Ab Khelna Seekh Gaye,
Hum Bawafai Ke Saath Jeena Seekh Gaye,
Kya Batayein Kis Kadar Dil Toota Hai Mera,
Maut Se Pehle, Kafan Aud Kar Sona Seekh Gaye….!

Teri Muhabbat Mein , Kuch Nasha To Zaroor Hai

Teri Muhabbat Mein , Kuch Nasha To Zaroor Hai,
Chhoote Hi Tere Labo'n Ko Behak Jaati Hoon Main.!!

Mohabbat Na To Faslo Se Kam Hoti Hai

Mohabbat Na To Faslo Se Kam Hoti Hai,
Aur Na Nazdeekiyon Se Badhti Hai,
Mohabbat To Mohabbat Hai
Agar Dil Se Ki Gayi Ho
To Zindgi Bhar Chalti Hai..!!

Na Jane Q Itna Yaqeen Hai Teri Wafa Par

Na Jane Q Itna Yaqeen Hai Teri Wafa Par,
Warna Husan Wale To Khud Sy BHi Wafa Nahi Karte.!

Roothna Khafa Rehna ye Wafa nahi hoti

Roothna Khafa Rehna, ye Wafa nahi hoti
Chahaton mein logon se kya Khata nahi hoti ?

Sub ko aik jaisa kiun tum Samjhny lagty ho
Sari Duniya Meri JAN Bewafa nahi hoti,

Har kisi se yari har kisi se Waaday
Piyar karny walon mein ye adaa nahi hoti,

Be-Naqaab Chehry b ik Hijaab rakhty hain
Sirf saat Pardon mein to haya nahi hoti,

Sab kuchh kho diya tumharay piyar mein hum ne
Kya ye bhi Chahat ki Intha nahi hoti

Dil Ka Roog Tha Na Yadain Theen

Dil Ka Roog Tha Na Yadain Theen Or Na Hi Ye Hijar,
Tere Piyar Sey Pehle Ki Neendain Bhi Kamal Ki Thin..

Ab to shayed hi mujhse mohabbat kare koi

Ab to shayed hi mujhse mohabbat kare koi,
Meri ankhon mein tum saaf nazar aate ho..

Dekhti Hon Tasveer-e-Yaar To Aata Hy Ye Khayal

Dekhti Hon Tasveer-e-Yaar To Aata Hy Ye Khayal
Har Baat Lajawab Thi Agr Bewafa Na Hota...

Mera Dil Mat Dukha Teri Chahat Hun Main

Mera Dil Mat Dukha Teri Chahat Hun Main
Tere Ghar Mein Khuda Ki Amanat Hun Main..

Mujh Ko Paala Tha Maa Baap Ne Pyaar Se
Mera Daaman Bhara hushn-e-Kirdaar Se

Kal Talak Apne Maa Baap Ki Jaan Thi
Un Ki Aankhon ki Thandak Thi Armaan Thi

Ab Tera Pyaar Teri Muhabat Hun Main..
Kon Duniya Mein Aaya Hai Kis Ke Liye

Arsh-e-Aazam Pey Hote Hain Ye Faisle
Jab Khuda Ki Inaayat Idhar Ho Gayi

Tu Mera Main Teri Humsafar Ho Gayi
Tu Mera Taaj Hai Teri Izzat Hun Main..

Bhool Kar Saare Shikwe Gile Paas Aa
Main Mitta Dun Gi Har Dukh Har Ik Ghum Tera

Mere Dil Mein Hain Tere Liye Chahtein
Mere Aanchal Ke Saaye Mein Hain Rahtein

Meray Honton Pay Duaon Ki Lakeerein Roshan

Meray Honton Pay Duaon Ki Lakeerein Roshan
Meray Seenay Mein Sabhi Sa'atein Ilhaam Ki Hein

Meri Dukhti Hui Aankhon Mein Magar Aajki Shaam
 Jitni Shamein Bhi Ferozaan Hein Teray Naam Ki Hein..

Abhi Waqt Hai Abhi Saans Hai

Abhi Waqt Hai , Abhi Saans Hai
Abhi Lout Aa Mere Ghumshuda
Mujhe Naaz Hai Mere Zabt Par
Mujhe Phir Rula Mere Ghumshuda

Yeh Nahi K tere Firaaq Men
Men Ujarr Gaya Ya Bikhar Gaya
Haan Mohabbaton Pe Jo Maan Tha
Who Nahi Raha Mere Ghumshuda

Mujhe Ilm Hai K Tu Chaand Hai
Kisi Aur Ka,  Magar Aik Pal
Mere Aasman-e-Hayaat Pe
Zara Muskura Mere Ghumshuda

Tere Altafaat Ki Barishen
Jo Meri Nahi Tou Bata Mujhe
Tere Dasht-e-Chah Men Kis Liye
Mera Dil Jala  Mere Ghumshuda

Ghanay Jangalon Men Ghira Hoon Men
Barra Ghup Andhera Hay Chaar Soo
Koi Ik Charaag Tou Jal Uthay
Zara Muskura  Mere Ghumshuda…

Aa Kisi Sham Kisi Yad Ki Dehleez Pe Aa

Poet Farhat Abas Shah:

Aa Kisi Sham Kisi Yad Ki Dehleez Pe Aa,
Umar Guzri Tujhe Dekhe Howay Behlaye Howay

Yad Hai?

Hum Tujhe Dil Mante Thay

Apne Seene Mein,

Machalta Howa Zidi Bacha

Tere Har Naz Ko,

Ungli Se Pakar Kar Aksar

Nit Naye Khawabon,

K Bazar Mein Le Aate Thay

Tere,

Har Nakhre Ki Farmaish Par,

Aik Jeewan Ki Tamanaon Ki Beenai Se,

Hum Dekhte Thakte Na Thay Sochtay Thay,

Aik Chota Sa Naya Ghar

Naya Mahol,

Mohabbat Ki Fiza

Hum Dono,

Aur Kisi Bat Pe Takion Se Larai Apni,

Phir Larai Mein Kabhi Hanste Howay Ro Parna,

Aur Kabhi Rote Howay Hans Parna,

Aur Thak Haar Kar Gir Parne Ka Mosam,

Khushi Bakhsh Khayal

Yad Hai?

Hum Tujhe Sukh Jante Thay Rat Hans Deti Thi,

Be Sakhta Rawish Se Teri

Dil Teri Doori Se Ro Parta Tha,

Hum Tujhe Jan Kaha Karte Thay,

Teri Khamoshi Se Mar Jate,

Teri Aawaz Se Jee Uthte Thay,

Tujh Ko Choo Lene Se Ek Zindagi Aa Jati Thi,

Sharyano Mein Thaam Lene Se,

Koi Shehr Sa Bas Jata Tha Veerano Mein,

Yad Hai?

Hum Tujhe Milne K Liye

Waqt Se,

Pehle Pohanch Jate Thay,

Aur Mulaqat K Bad Hum Bahut Deir Se,

Ghar Aate To Kehte K Humain,

Kuch Na Kaho Hum Bahut Door Se Ghar Aaye Hain,

Is Qadar Door Se Ghar Aaye Hain,

K Shayad Hi Koi Aaya Hon,

Yad Hai?

Hum Tujhe Khuda Samajhte Thay Magar,

Kufar Se Dar Jate Thay

Tere Chin Jane Ka Dar,

Theek Se Rakhta Tha Musalman Humain,

Aa Kisi Sham Kisi Yad Ki Dehleez Pe Aa,

Tere Bhoole Howay Raston Pe,

Liye Phirta Hai Eman Humain,

Aur Kehta Hai K Pehchan Humain,

Yad Hai ?

Hum Tujhe Eman Kaha Karte Thay.......!

Miley Hain Baad Muddat K Bala K Sard Hein Lehjay

Miley Hain Baad Muddat K , Bala K Sard Hein Lehjay
K Jalna Bhi Nahi Mumkin, Pighalna Bhi Nahi Mumkin

Ta’alluq Toot Janey Se , Umeedein Toot Jati Hein
Dilo’n Mein Hasratein Lay Kar, Behalna Bhi Nahi Mumkin

Bohat Nakamiyan Lay Kar , Hoey Hein Khaak K Qaidi
Chalo Ab Aaj Se Ghar Se, Nikalna Bhi Nahi Mumkin

Usay Itna Na Socha Kar, Teri Aadat Na Bun Jaey
Phir Aisi Aadatei’n Mohsin , Badalna Bhi Nahi Mumkin..

Wohi Qissay Hain Wohi Baat Puraani Apni

Wohi Qissay Hain Wohi Baat Puraani Apni 
Kon Sunta Hai Bhala Raam Kahaani Apni 

Har Sitamgar Ko Ye Hamdard Samajh Leti Hai 
Kitni Khush-Feham Hai Kambakht Jawaani Apni 

Roz Miltay Hain Dareechon Mein Nai Phool Khilay 
Chorr Jaata Hai Koi Roz Nishaani Apni 

Tujh Se Bicharray Hain To Paaya Hai Bayaabaa'n Ka Sakoot ! 
Warna Dariyaaoo'n Se Milti Hai Rawaani Apni 

Dushmanoo'n Se Hi Ab Gham-e-Dil Ka Madawa Maangen 
Doston Ne To Koi Baat Na Maani Apni 

Aaj Phir Chaand Ufaq Par Nahi Ubhra MOHSIN 
Aaj Phir Raat Na Guzray Gi Suhaani Apni ..

Apna toh ye soch kar waqt guzar jata hai

Apna toh ye soch kar waqt guzar jata hai,
Kyon door jane ke liye koi kareeb aata hai.?

Woh jaane kaise apne dil se mujhe bhoola baitha,
Main gar bhoolna chaahun toh bhoola bhi yaad aata hai.

Tab nikharti hai kahin zindagi ki asli soorat,
Ashq jab aap ke daaman pe bikhar jata hai.

Tadap tadap ke tujhe ta’umar yaad karta rahun,
Kuchh aur de na zakhm toh bhar jata hai.

Yun toh main khud bhi tujh par tawajoh nahin deta,
Mera zehan hai ki har baar udhar jata hai.

Beshaq bahaar sooni sooni si lagti hai,
Bulbul ke chale jane se kya baagh ujad jata hai. !!

Ek khwaab musalsal aata hai Tera chehra roop sajata hai

Ek khwaab musalsal aata hai,
Tera chehra roop sajata hai. !

Phoolon pe bhanwre ki maanind,
Mere dil ko woh behlaata hai. !

Aankhon ke surmai rangon se,
Mere mann ko raah dikhata hai. !

Apne lams ki bheeni khushbo se,
Mere ehsaas ko woh mehkaata hai. !

Dhadkano ke sur aur sargam se,
Woh mujh ko geet sunaata hai. !

Chaand se le kar husn ki sougaat,
Mujhe neend se woh jagaata hai. !

Apni saanson ki dheemi aanch pe,
Mere tann ko woh sulgaata hai. !

Ek khwaab musalsal aata hai,
Tera chehra roop sajaata hai …!!

Aansoo, Aahein, Tanhai, Veeraani, or Gham-e-Musalsal

Aansoo, Aahein, Tanhai, Veeraani, or Gham-e-Musalsal...
Ik zara sa ishq hwa tha, kya kya virasat mein de gaye...

Mujhe Chor De Mere Haal Par Tera Kya Bharosa Ae Ajnabi

Mujhe Chor De Mere Haal Par, 
Tera Kya Bharosa Ae Ajnabi.!
Teri Mukhtasir Si Nawazishen
 Mera Dard Aur Barha Na Dain.!

Tera Dard Ham Se Sambhala Nahi Jata

Tera Dard Ham Se Sambhala Nahi Jata 
Ab Ye Parinda Ham Se Pala Nahi Jata 

Jan Mangi Hai To Khanjar Bhi Le Aao 
Tera Hukum Ham Se Taala Nahi Jata 

Jis Tarah Tu Ne Nikala Hai Mehfil Se Hame 
Is Tarah Dushman Ko B Nikala Nahi Jata 

Hasad Ka Talab Jin K Seeno Main Hi Saja 
Kitna B Dhoye Dil Ko Daag Kala Nahi Jata..!

Kya Rahka Hai Is Gham Bhari duniya Main Nafraton K Siva

Kya Rahka Hai Is Gham Bhari 
duniya Main Nafraton K Siva
Chal Khol Apna Mehkhana,
Hum Toty Dilon Ka Darbar Sajaty Hen.!!

Qasam Se Aankhen Thak Gai Hain

Qasam Se Aankhen Thak Gai Hain
Tumhare Aansu Chupa Chupa ke..!!!

Milne Ka Waada Un K Mou'n Se Tu Nikal Gya

Milne Ka Waada Un K Mou'n Se Tu Nikal Gya
Poochi Jaga Tu Hans Ke Kaha ! KHWAAB Main . 

AGAR TUM PASS REHTAY TO

AGAR TUM PASS REHTAY TO

Muhabbat Kay Sawaloon Ko
Hawalay Mil Gaey Hotay

"Jahan Pholon Ko Khilna Tha
Wahin Pay Khil Gaey Hotay"

"Miray Eman Ki Takmeel Bhi Asan Ho Jati

Farariyat Mujhay Bay-Simt Rastoon Par Na BhatKati

Zaroorat Mujh Ko Bay-Awaz Chehron Say Na MilWati

Hazaar Soratoon Main Yun Kabhi Tajseem Na Hoti

Agar Tum Pass Rehtay Too

Main Yun TAQSEEM na Hoti

Kaha tum ne mujhe dil se bhula do tum! mita do tum

Kaha tum ne mujhe dil se bhula do tum! 
mita do tum! 

Chalo main maan leti hoon, 
Tumhain main apne is dil se, 
Bhula doon gi mita doon gi! 

Magar ik kam to kar do! 
K darya k kinaron ko kisi surat mila do tum! 
Sitare tor kar la do, 

Ya phir is phool se khushbu juda kar k dikha do tum! 

Suno! tum kar bhi lo aisa! 
Kinare jor bhi lao, 
Sitare tor bhi lao, 

Chaman k sare phoolon se, 
Juda khushbu ko kar bhi do 
Magar main tum ko is dil se mita phir bhi 
nahi sakti... 

Suno! Main marr to sakti hoon! 
Bhula phir bhi nahi sakti"..!!

Dil Hai Muslman Mera Na Tera

Dil Hai Muslman Mera Na Tera
Tu Bhi Namazi, Main Bhi Nimazi.!

Tujh Se Karte Hai Mulaqat Simattney Ke Liye

Tujh Se Karte Hai Mulaqat Simattney Ke Liye . . . .
Tujh Se Milty Hai To Kuch Aur Bikhar Jaty Hai . . .!!

Usy Kehna Qismat Par Itna Gharoor Acha Nahi Hota

Usy Kehna Qismat Par Itna Gharoor Acha Nahi Hota
Hum Ne Barish Me Bhi Jalte Hue Ghar Dekhe Hain...

Apney saarey dard bhula kar auron ke dukh sehta tha

Habib Jalib died on March 13, 1993. His family refused the offer of the government to pay for his funeral expenses.Qateel Shifai expressed his sorrow and grief in these words:

Apney saarey dard bhula kar auron ke dukh sehta tha
Hum jub ghazlain kehtey thay wo aksar jail main rehta tha
Aakhir kaar chala hee gya wo rooth kar hum farzanoun se
Wo deewana jisko zamana Jalib Jalib kehta tha
(Qateel Shifai)

Muddat guzar gayi ke yeh aalam hai mustaqil

Muddat guzar gayi ke yeh aalam hai mustaqil,
Koi sabbab nahin hai magar dil udaas hai..

Asi naazuk Dil De loki haan

Bulleh Shah:
Asi naazuk Dil De loki haan,Saada Dil na yaar Dukhaya kar,
Na jhoothay waa'day karya kar,Na jhoothian Qasmaan khhaya kar,
Tenu kinni waar asaa'n aakhiya ay,Sanu wall wall na Aazmaya kar,
Teri yaad day wich main mar jaasaa'n,Menu aina yaad na aaya kar.

Mere Jaan-o-Dil Mere Hum Safar Main Udaas Hoon Koi Bat Kar

Mere Jaan-o-Dil Mere Hum Safar Main Udaas Hoon Koi Bat Kar,
Tere Lab Hilein To Kate Safar Main Udaas Hoon Koi Bat Kar,
Koi Bojh Hai To Utaar De,Koi Khof hai To Nikal De,
Mera Haath Hai Tere Haath Per, Mian Udaas Hoon Koi Bat Kar,

Nahi Yaad Kitne Baras Gaye Teri Guftago Ko Taras Gaye,
Meri Khirkiyan Mere Diwar-o-Dar Main Udaas Hoon koi Baat Kar,

Tujhe Chup hai Kesi Lagi Hui,Abhi Umar To hai Pari Hui,
Abhi Muskura Abhi Gham Na Kar , Mian Udaas Hoon Koi Bat Kar,

Tum To Hikmat Ke Baadshah Thay Luqman

Tum To Hikmat Ke Baadshah Thay Luqman,
Hairat Hay Phir Bhi Ishq La'ilaaj Reh Gaya...

Anjaam ki khabar hoti to hum mohabbt hi na karte

Anjaam ki khabar hoti to hum mohabbt hi na karte,, 
Na unhon ne wafa ki na kisi ki wafa k qabil chora,,,

Kitnaa Kuch Jantaa Hogaa Woh Shaks Mery Bary Main

Kitnaa Kuch Jantaa Hogaa 
Woh Shaks Mery Bary Main
Mery Muskurany Parr Bhi Jisny 
Pooch Liya Ke Tum Udas Kiun Ho...!!!

Daagh-e Firaq-e Suhbat-e Shab Ki Jalli Hui

Daagh-e Firaq-e Suhbat-e Shab Ki Jalli Hui
Ik Shama Reh Gai Hai So Woh Bhi Khamosh Hai

Aik Tu Mujhe Jo Agar Mil Jata

Aik Tu Mujhe Jo Agar Mil Jata.....
Phir Manzoor Thay Jitnay B Khasaray Hotay...

Sawan ki Hawaon ka Jab Shor Suno ge Tum

Sawan ki Hawaon ka Jab Shor Suno ge Tum.
Bikhre huwe Mazi k Oraaq Chunoge Tum.

Mahol k Chehre par Jab Dhool Jami hogi.
Mehsoos Tumhein Har dam Phir Meri Kami hogi.

Akash pe jab Panchi Sangeet Sunaynge.
Beete huwe Lamhon ko Ankhon me Sajayenge.

Tanhai k Sholon se Jab Aag lagi hogi.
Mehsoos Tumhein Har dam Phir Meri "Kami" Hogi

Meray Jaanay Kay Bad Kitnay Khush Raha Karoge Tum

Meray Jaanay Kay Bad Kitnay Khush Raha Karoge Tum,
Wo Khud Hi Chor Gaya Har Kisi Say Kaha Karoge Tum.

Par Tum Wo Baaten Tanhai Main Kaisay Bhula Pao-Gay,
Hum Yaad Aayen-Gay Jis Taraf Bhi Nigah Karoge Tum.

Mere Nadaaniyon Ko Na Ab Mera Piyar Samajh Lynaa,
Warna Soch Soch Kar Khud-Ko Hi Sazaa Diya Karoge Tum.

Aaj Teray Liye Hum Tere Dehleez Say Door Ja Rahay Hain.!

Ab Meray Peechay Loat-Aanay Ki Duaa Kiya karoge Tum..!

Yun Galat b nahi Hoty Chehron K Ta'asur

Yun Galat b nahi Hoty Chehron K Ta'asur 
Lekin,
Log waisy hoty b nahi, Jaisy nazar aaty hain.!

MAA Baap Dunya Main Sb Se Bre Naimat Hain

MAA Baap Dunya Main Sb Se Bre Naimat Hain.
MAA Na Ho To Dil Ko Dilasa, Or Baap Na Ho Tu Zindge Main Acha Mashwra Deny Wala Koe Ni Hota..!!

Mujhy Chahty Ho Tum Phr Nazar Andaz Bhi krty Ho

Mujhy Chahty Ho Tum ,Phr NazarAndaz Bhi krty Ho...
Is Fun-e-Adakari Main Tumhara Ustad Koi Nahi ...!!

Ru-Baru Mushkil Huwa Us Ko Btana Haal-E-Dil

Ru-Baru Mushkil Huwa Us Ko Btana Haal-E-Dil..
Lag Raha Tha Aasaan Kitna, Aainay K Samny..!!

Marney Wale Toh Ek Din, Bin Bataye Mar Hi Jate Hain.

Marney Wale Toh Ek Din,
Bin Bataye Mar Hi Jate Hain..!!
Lekin..
Wo Log Toh Roz Marte Hain,
Jo Kisi Ko Khud Se Ziyada Chahte Hain.!!

Mere Urooj Say Mere Zawal Tak

Mere Urooj Say Mere Zawal Tak

Tum, Tum Or Bs Tum..!

Maat Kholna Meri zindagi Ki Kitab Ko

Maat Kholna Meri zindagi Ki Kitab Ko
Us Shakhs Ne Bewafai Ki Jis Par Hum Naaz Kiya Karte The

Jis Ki Nazron Main Hum Nahi Ache.

Jis Ki Nazron Main Hum Nahi Ache...
Kuch To Wo Shakhs Bhi Bura Hoga...

Teray Husn Par Tareefon Bhari Kitab Likh Deta

Teray Husn Par Tareefo Bhari Kitab Likh Deta,
Ay Kash Ke Teri Wafa Tera Husn Ke Barabar Hoti...

Wo Jo Barbaad Huwe' Wohi Badnaam Huwe

Wo Jo Barbaad Huwe' Wohi Badnaam Huwe...!!
Tum To Maasum Rahey' Apni Adaaon Ki Tarah...!!

Khuda Kare Teri Aankhein Kabhi Aansuon

Khuda Kare Teri Aankhein Kabhi
Aansuon Ke Zaike Se Aashna Na Ho, 

Khuda Kare Ke Dhoop Lamhon Ki Azyaton Mein,
Meri Duwaon Ka Saya Rahe, 

Tum Jo Zeest Ki Raah Mein Kabhi
Akele Nikal Jao To

Khuda Kare Tujhe Raaste Na Bhatkein,
Khuda Kare Tujhko Manzilein Mil Jayein,

Mere Paas Tumhare Liye, 
Duwaon Ke Kuch Phool Hai, 

Khuda Kare Ke Ye Phool Kabhi Na Murjhayein,
Mere Paas To Bas Tumhare Liye,

Chahaton Ke Jugnu Hai, 
In Jugnuon Ko Sambhal Kar Rakhna, 

Mere Paas Mohabbat Ki Titli Hai, 
Khuda Kare Ke Ye Titli Tujhe, 

Khushiyon Ke Gulshan Mein Mehkati Rahe, 
Tum Zindagi Mein Har Lamha Muskurate Raho, 

Is Titli Ko Sambhal Kar Rakhna, 
Zindagi Mein Har Lamha Tum Apna Khayal Rakhna...