Kash Main Tere Haseen Hath Ka Kangan Hota

Kash Main Tere Haseen Hath Ka Kangan Hota

Tu Bare Piyaar se bare chao se bare Arman k sath

Apni Nazuk si kalai Main Charhati mujh ko

Aur Betabi se furqat k Khizan lamhon Main

Tu kisi soch Main dubi jo ghumaati mujh ko

Main tere hath ki khushbu se Mehak sa jata

jab Kabhi Mood Main aa kar mujhe Chuma karti

Tere Honthon ki Shiddat se main dahak sa jata

Rat ko jab bhi tu Nindon k safar par jati

Marmari hath ka ik takya banaya karti

Main tere kan se lag kar kai baten karta

Teri Zulfon ko tere Gal ko Chuma karta

jab bhi tu band qaba kholne lagti janaa

apni ankhon ko tere husan se khera karta

Mujh ko Betab sa Rakhta teri Chahat ka Nasha

Main Teri ruh k Gulshan mein mahakta rahta

Main Tere Jism k Angan main khanakta rahta

kuch nahin to yahi Benam sa Bandhan hota

Kash Main Tere Haseen Hath Ka Kangan Hota.!