By :Fakhira Batool
Hai Haqeeqat, Guman Thori hai
Ye Siyasi Bayaan Thori hai
Dar Sa Lagta hai Q Nateje Se
IshQ Hai Imtihaan Thori Hai
Chor Kar Chal Diya Hamain Yuoon Hy
Woh Koi Badgumaan Thori Hai.
Teer Ki jaa Gulab Q Na Mile
Zindagy hai Kaman Thori hai
Koi Shekwa Kren To Kese Kren
Apne Moon Main Zibaan Thori Hai
Hum Ko Takta Hai Jiss Hakarat Se
To Koi Aasmaan Thori Hai
Hum Se Milne Ko Chal K Aae Magr
Iss Qadar Mehrbaan Thori Hai
Koi Basne Laga Hai Iss Main "Batool"!!
Dil Hai Khali Makaan Thori Hai...!!!
No comments:
Post a Comment