Guroob-e-Shaam Hi Se Khud Ko Youn Mahsus karta Hon

Guroob-E-Shaam Hi Se Khud Ko Youn Mahsus karta Hon,

K Jaise Ek Diya Hon Aur Hawa Ki Zad Py Rakha Hon.

Chamakti Dhoop Tum Apne Hi Daaman Me Na Bhar Lena,

Main Saari Raat Perron Ki Tarha Baarish Me Bhiga Hon.

Koi TooTa Hoa Rishta Na Daman Sy UlaJh Jaaye,

Tumhare Saath Pahli Baar Bazaron Me Nikla Hon.

Ye Kis Aawaz Ka Bosa Mere Honthon Py Kaanpa Hai,

Main Pichli Shab Sadaon Ki Halawat Bhool Baitha Hon.

Bichar K Tum se Main Ne Bhi Koi Saathi Nahi DhoonDha,

HuJom-E-Rah Guzar Me Door Tak Dekho Akela Hon